ပန်းသီးစားသုံးခြင်း၏ ကျန်းမာရေး ကောင်းကျိုးများ

(က) အရိုးများကို ခိုင်မာစေပြီး အရိုးနှင့်ပတ်သက်သော ရောဂါများ ဖြစ်ပွားမှုမှ ကာကွယ်ပေးခြင်း။

(ခ) ပန်းနာရင်ကျပ် ရောဂါများကို သက်သာစေပြီး ဖြစ်ပွားမှုနှုန်းကို လျော့ကျ စေခြင်း။

(ဂ) အဆုတ်၊ ရင်သား၊ အူမကြီး၊ အသည်းတို့တွင် ဖြစ်ပွားနိုင်သော ကင်ဆာ ရောဂါကို တားဆီး ကာကွယ် ပေးခြင်း။

(ဃ) မှတ်ဉာဏ်ချွတ်ယွင်းခြင်း၊ အသက်ကြီးရင့်ချိန် အတိတ်မေ့ခြင်းစသည့် ဇရာ ရောဂါများ ဆောလျင်စွာ ဖြစ်ပွားခြင်းမှ ကာကွယ် တားဆီးပေးခြင်း။

(င) ကိုလက်စထရောဓာတ်ကို လျော့ကျစေခြင်း။

(စ) ဆီးချိုရောဂါကို ကာကွယ်ပေးနိုင်ခြင်းနှင့် ဖြစ်ပွားမှုကို ကြိုတင်ကာကွယ် နိုင်ခြင်း။

(ဆ) ခန္ဓာကိုယ်အလေးချိန်ကို လျော့ကျစေနိုင်ပြီး အသားအရေ ကျစ်လစ် စေခြင်း စသည့် အကျိုးကျေးဇူး များရရှိနိုင်ပါတယ်။
                                                                

ဗိုက်အောင့် ခြင်းအကြောင်းသိကောင်းစရာ

 

ဗိုက်အောင့်ခြင်း၊ ဗိုက်နာခြင်း သည် လူနာများ အဖြစ် အများဆုံးနှင့် ဆရာဝန်ထံ လာရောက် ပြသသည့် အများဆုံး ရောဂါ လက္ခဏာဖြစ်သည်။ ပုံစံစုံ၊ ဝမ်းဗိုက်နေရာအနှံ့ နာလေ့ရှိ သည်။ မျှဉ်းမျှဉ်း နာသကဲ့သို့ ပြင်း ပြင်းလည်း နာတတ်သည်...။ အများစု မှာ သာမန်နာ၊ ခဏနာလေ့ရှိသော် လည်း တစ်ခါတစ်ရံ ဆိုးဆိုးရွားရွား၊ အချိန်ကြာကြာ နာတတ်သည်။ ထို အခါ လူနာများက စိုးရိမ်ပူပန်လာကြ သည်။ ဘာကြောင့် နာသနည်းဟု သိလိုကြသည်။


ခွဲစိတ်ခံရမည်ကို စိုး ရိမ်လာကြသည်။ ပူပန်မှုအများဆုံးမှာ ဝမ်းဗိုက်အတွင်း ကင်ဆာကဲ့သို့သော ရောဂါရှိလေမလားဟူ၍ ဖြစ်သည်။ ဗိုက်နာလူနာကို ဆရာဝန်က ချဉ်းကပ်ရာတွင် ရောဂါ ရာဇဝင်ဖြစ်စဉ် ကို အသေးစိတ် မေးလေ့ရှိသည်။ နာ သည့်နေရာ၊ နာပုံနာနည်း၊ ဗိုက်နာ ခြင်း၏ ပြင်းထန်မှုနှင့် အချိန်ကြာမြင့်မှု စသည်တို့က ဘာကြောင့်နာသည်၊ ဘယ် ရောဂါဖြစ်နိုင်သည်ကို ညွှန်းလေ့ ရှိသည်။ အသက်အရွယ်နှင့် ကျား၊ မ စသည်တို့ကလည်း ဗိုက်နာသည့် အကြောင်းကို ကွဲစေသည်။ လူနာကို စမ်းသပ်ရန်မလို၊ ရောဂါဖြစ်စဉ်ကို အသေးစိတ် မေးခြင်းဖြင့် ရောဂါအမည် ကို ဖော်ထုတ်နိုင်သည်ပင် ရှိသည်။ တစ်ခါတစ်ရံ စမ်းသပ်လျှင် မည်သည့် လက္ခဏာမျှ မတွေ့ရဘဲ ဖြစ်တတ် သည်။


ဗိုက်နာစေသည့် ဝမ်းဗိုက်ရောဂါများ
ဝမ်းဗိုက်တွင်းတွင် အသည်း၊ ကျောက်ကပ်၊ ဘေလုံး၊ အစာအိမ် အူလမ်းကြောင်း၊ ကျောက်ကပ်နှင့် ဆီးလမ်းကြောင်း စသည်ဖြင့် အင်္ဂါ မျိုးစုံရှိသည်။ မည်မျှ အင်္ဂါအရေ အတွက်များစေကာမူ အဓိက အုပ်စု နှစ်ခုသာ ရှိသည်။ အသည်း၊ ကျောက် ကပ်၊ ဘေလုံးကဲ့သို့သော အလုံး၊ အခဲ သဏ္ဌာန် အင်္ဂါများနှင့် အစာအိမ်အူ လမ်းကြောင်း၊ ဆီးလမ်းကြောင်း၊ သည်းခြေလမ်းကြောင်းကဲ့သို့ ပြွန်၊ အခေါင်းသဏ္ဌာန် အင်္ဂါများဟူ၍ ဖြစ်သည်။
ယင်းအုပ်စုနှစ်ခု၏ နာပုံ၊ နာနည်းမှာ ကွာကြသည်။ ပြွန်သဏ္ဌာန် အင်္ဂါများသည် တင်းလျှင်၊ ညှစ်လျှင်၊ ဖောင်းကား လျှင်၊ ပိတ်လျှင် နာလေ့ရှိသည်။ သည်းခြေလမ်းကြောင်း၊ ဆီးလမ်း ကြောင်း ရောဂါများသည် ဤပုံစံ နာလေ့ရှိသည်။ ထိုးပြီး၊ ရစ်ပြီးနာသည် ဟု ပြောလေ့ရှိသည်။ နာလိုက် ပျောက်လိုက်၊ တစ်ခါနာလျှင် ဆိုးဆိုး ရွားရွားနာ၊ ဇောချွေးပြန်လောက် အောင်နာ၊ ထိုင်မရ၊ ထမရဖြစ်အောင် နာ၊ နာလွန်းသဖြင့် သတိမေ့လုမတတ် ခံရသည်။ သန်ထိုး၊ လေထိုးသဖြင့် ဟိုလူး၊ ဒီလိမ့်နှင့် အော်နေသည့် ကလေးများကို တွေ့ဖူးကြမည်ထင် သည်။ ဝမ်းဗိုက်ကို လက်နှင့်၊ ခေါင်း အုံးနှင့် ဖိထားလျှင် သက်သာသည်ဟု ဆိုကြသည်။
အနာပျောက်သွားချိန် တွင်တော့ အကောင်းပကတိ ဖြစ်နေ တတ်သည်။ သန်ထိုး၊ လေထိုးက ဝမ်း ဗိုက်တစ်ပြင်လုံး နာလေ့ရှိသော်လည်း ဆီးလမ်းကြောင်းပိတ်ခြင်းက ခါးတွင် နာပြီး၊ ဆီးစပ်သို့ ထိုးဆင်းသွားလေ့ ရှိသည်။ ဆီးအောင့်၊ ဆီးကျင်၊ ဆီး သွေးပါသည်တို့ကလည်း ဆီးလမ်း ကြောင်းရောဂါဟု ပြသည်။ သည်းခြေ ကျောက်တည်၊ ကျောက်ပိတ်ခြင်း သည်လည်း အလားတူ နာစေသည်။ ဝမ်းဗိုက်ညာဘက်အပေါ်ပိုင်းတွင် နာခြင်း၊ မျက်လုံးနှင့် အသားဝါခြင်း၊ ချမ်းတုန်၍ ဖျားခြင်းတို့သည် သည်း ခြေလမ်းကြောင်းရောဂါကို ပြသည်။


အသည်းနာတာလား
အသည်းကဲ့သို့သော အလုံး၊ အခဲသဏ္ဌာန်ရှိ အင်္ဂါများသည်ကြီးလာ လျှင်၊ တင်းလာလျှင် နာလေ့ရှိသည်။ အောင့်သည်ဟု ဆိုလေ့ရှိသည်။ အသည်းကြီးရောဂါများတွင် ဝမ်းဗိုက် ညာဘက်အပေါ်ပိုင်းနေရာသည် တင်း နေသည်၊ ထောက်နေသည်ဟု ပြော လေ့ရှိသည်။ အလွန်အကျွံကြီးသော အသည်းရောဂါမှလွဲ၍ ပြင်းပြင်းထန် ထန် နာလေ့မရှိချေ။ မျှဉ်းမျှဉ်းလေး နာသည်။ ဆက်တိုက်နာသည်။ လှုပ် လျှင် နာသည်။ အသည်းနေရာ ဖိမိ လျှင်လည်း နာလေ့ရှိသည်။


ဘယ်နေရာက နာတာလဲ
ဝမ်းဗိုက်တွင်း အင်္ဂါများသည် သူ့ နေရာနှင့်သူ သတ်သတ်မှတ်မှတ် တည်ရှိကြသဖြင့် ဝမ်းဗိုက်၏ မည်သည့် နေရာတွင် နာသည်ကလည်း ဘာ ကြောင့်နာသည်၊ ဘယ်အင်္ဂါတွင် ရောဂါရှိသည်ကို ညွှန်းလေ့ရှိသည်။ ဝမ်းဗိုက်အပေါ်ပိုင်း အလယ်တည့်တည့် ရင်ညွန့်တွင် နာလျှင် အစာအိမ်၊ ဝမ်းဗိုက်ညာဘက် အပေါ်ပိုင်းနာလျှင် အသည်း သို့မဟုတ် သည်းခြေ၊ ဝမ်းဗိုက်အလယ် ချက်တစ်ဝိုက်နာ လျှင် ဝမ်းဗိုက်ပိုင်းသွေးကြောမကြီး၊ အူလမ်း ကြောင်းနှင့် ပန်ကရိယ၊ ခါးတစ်ဖက် တစ်ချက်နာလျှင် ကျောက်ကပ်၊ ချက် အောက် ဆီးစပ်နာလျှင် ဆီးအိမ်၊ သား အိမ်၊ ညာဘက်အောက် ပိုင်းနာလျှင် အူအတက်စသည်ဖြင့် ညွှန်းလေ့ရှိ သည်။


ဗိုက်နာပေမယ့် ဝမ်းတွင်းရောဂါမရှိ
ဗိုက်နာတိုင်း ဝမ်းဗိုက်တွင်းရှိ အင်္ဂါတစ်ခုခုတွင် ရောဂါရှိနေပြီဟု တထစ်ချ တွက်၍မရ။ ရင်ခေါင်းတွင်း ရှိ နှလုံးနှင့် အဆုတ်ရောဂါကလည်း တစ်ခါတစ်ရံ ဗိုက်နာတတ်သည်။ အချို့ နှလုံးသွေးကြောကျဉ်းလူနာတို့သည် ရင်ဘတ်နာသည်ဟု မပြော၊ ဗိုက် အပေါ်ပိုင်း နာသည်ဟုဆိုတတ်သည်။ နှလုံးအနာက ညွှန်ပြရခက်သဖြင့် ဟိုပြ၊ ဒီပြ ပြသည်လည်း ရှိသည်။ ထို့ကြောင့် နှလုံးလေဖြတ်ဖြစ် နိုင်ခြေ များသော သွေးတိုး၊ သွေးချို လူနာ တစ်ယောက် ဝမ်းဗိုက်အပေါ်ပိုင်း နာ လျှင်လည်း နှလုံးလေလားဟု ဆရာဝန်က စဉ်းစားလေ့ရှိသည်။ ဝမ်းဗိုက်အရေပြားရောဂါ၊ အာရုံ ကြောရောဂါတို့ကလည်း ဗိုက်နာစေ သည်။
ခါးအာရုံကြော ညပ်ခြင်း၊ အရေပြား ရေယုန်ပေါက်ခြင်းတို့တွင် ခါးနှင့် ဗိုက်ပတ်ပတ်လည် ပူစပ်ပူ လောင် နာလေ့ရှိသည်။ ရေယုန်တွင် နာပြီး နှစ်ရက်၊ သုံးရပ်အကြာ အရည် ကြည်ဖုလေးများပေါက်လာလေ့ရှိသည်။ ဝမ်းဗိုက်ပြင်ပရောဂါများတွင် လည်း ဗိုက်နာတတ်သည်။ သွေးချို ဆိပ်တက်လူနာ ဗိုက်နာ၊ ပျို့အန် သည်ကို မကြာခဏ တွေ့ရလေ့ရှိ သည်။ ရုပ်ပိုင်းဆိုင်ရာရောဂါ တစ်ခုမျှ မရှိ၊ စိတ်ကြောင့်လည်း ဗိုက်နာတတ် သည်။ စိတ်ဓာတ်ကျသူ၊ စိတ်ပူပန်မှု များသူများသည် ဗိုက်နာသည်ဆိုပြီး မကြာခဏ ဆရာဝန်ထံ ရောက်လာ လေ့ရှိသည်။ ဟိုနာ၊ ဒီနာ ပြောင်းနာ လေ့ရှိသည်။ မည်သည့်ရောဂါဟု သတ်သတ်မှတ်မှတ်ပြောရန် ခက် သည်။
စမ်းသပ်စစ်ဆေးမှုအားလုံးက လည်း ပုံမှန်ဖြစ်နေလေ့ရှိသည်။ စစ် ဆေးမှုအားလုံးကောင်းသည်ဆိုသည့် အဖြေက တစ်ခါတစ်ရံ လူနာကို ဗိုက်နာပျောက်စေသည်။ ဗိုက်နာသည့် လူနာစမ်းသပ် တော့ ဘာလက္ခဏာမှ တွေ့လေ့မရှိ။ ထို့ကြောင့်လည်း နေမကောင်း အကြောင်းပြလိုသူတို့အတွက် ဗိုက်နာ ခြင်းသည် လက်နက်တစ်ခုဖြစ်နေ တတ်သည်။


အစာအိမ် ရောဂါ
အစာအိမ်ရောင်ခြင်း၊ အစာအိမ် အနာဖြစ်ခြင်းတို့သည် ဗိုက်နာစေ သည်။ လေထိုးသည်၊ လေနာသည် ဟု အပြောများသည်။ လူလတ်ပိုင်း တွင် အတွေ့ရများသည်။ ဝမ်းဗိုက် အပေါ်ပိုင်း ရင်ညွန့်တွင်နာ၊ ပူစပ် ပူလောင်ဖြစ်။ ယင်း-ရင်ပူခြင်းသည် အစားနှင့် ပတ်သက်နေသည်။ အချို့ က ဗိုက်ဆာလျှင်နာ၊ အချို့က အစာ စားလျှင် ပိုဆိုးတတ်သည်။ လူနာက နာသည့်နေရာ အတိအကျ ထောက်ပြ နိုင်သည်။ ထူးခြားချက်မှာ မကြာခဏ ပြန်နာခြင်းဖြစ်သည်။ အစာအိမ်ဆေး သောက်၍ သက်သာခြင်းကလည်း အစာအိမ်လေနာဟု ညွှန်ပြသည်။ သာမန် အစာအိမ်နာရောဂါကဲ့ သို့ပင် အစာအိမ်ကင်ဆာသည်လည်း ဗိုက်နာတတ်သည်။ သို့ရာတွင် အစာ အိမ်ကင်ဆာတွင် ထူးခြားချက်များ ရှိသည်။ အသက်ခပ်ကြီးကြီး၊ အစား ပျက်၊ ရက်ပိုင်းလပိုင်းအတွင်း အလွန် ပိန်ချုံးကျသွားလျှင် အစာအိမ်ရိုးရိုးနာ ထက် ကင်ဆာပိုဖြစ်ရန် များသည်။ သွေးအားနည်းခြင်းသည်လည်း လက္ခ ဏာတစ်ရပ်ဖြစ်သည်။ စောစောသိ၊ စောစောစမ်းသပ်မှုလုပ်၊ စောစော ကုပါက အကျိုးရှိသည်။


ခွဲစိတ်ရန်လိုသည့် ဗိုက်နာရောဂါ
ဗိုက်နာစေသည့် အချို့ဝမ်းဗိုက် တွင်းရောဂါများသည် ခွဲစိတ်ရန်လို တတ်သည်။ ဝမ်းဗိုက်တွင်းရှိ ပြွန် သဏ္ဌာန် အင်္ဂါများရောင်ခြင်း၊ ပိတ် ခြင်း၊ ပေါက်ခြင်းတို့သည် ခွဲရန်လိုလေ့ ရှိသည်။ အူအတက်ရောင်ခြင်း၊ အစာ အိမ်ပေါက်ခြင်း၊ ဆီးလမ်းကြောင်းနှင့် သည်းခြေလမ်းကြောင်းပိတ်ခြင်းတို့မှာ ဥပမာများဖြစ်သည်။ ဗိုက်ခွဲရန်လိုသည့် ရောဂါများမှာ သီးသန့်ပြတ်ပြတ်သား သား ရောဂါလက္ခဏာဟူ၍ မရှိ။ ဆရာဝန် စမ်းသပ်စစ်ဆေးမှ ဆုံးဖြတ် နိုင်သော အခြေအနေများဖြစ်သည်။ ခန္ဓာကိုယ်အင်္ဂါအများအပြားရှိသည့် ဝမ်းဗိုက်ရောဂါများသည် တစ်ခါတစ်ရံ လူနာရော၊ ဆရာဝန်ကိုပါ လှည့်စား တတ်သည်။ မျက်လှည့်ပြတတ်သဖြင့် ဝမ်းဗိုက်ကို မှော်ဝင်သေတ္တာဟု တင် စားလေ့ရှိသည်။ ထို့ကြောင့် ဗိုက်နာ လူနာများသည် ရမ်းကု၊ မှန်းကုလုပ် ရန် မသင့်တော်ဘဲ ဆရာဝန်နှင့်ပြသ၊ အကြံဥာဏ်ယူရန် လိုအပ်ပါသည်။

ပါမောက္ခနေဝင်း။ (ဆေး)

 

ပြန်လည်မျှဝေပါသည်။

ဝက်ခြံအကြောင်းသိကောင်းစရာ

နဖူးမှာပေါက်တဲ့ ဝက်ခြံဆိုတာ မျက်ခုံးနှစ်ခုကြားနဲ့ နှာခေါင်းထိပ်ပိုင်း စုံတဲ့နေရာကို မျက်နှာရဲ့ T-zone လို့ခေါ်ပါတယ်။ နဖူးမှာပေါက်တဲ့ ဝက်ခြံတွေက အဲလိုနေရာမျိုးတွေမှာ အများဆုံး ပေါက်တတ်ကြပါတယ်။ အဆီပြန်တဲ့ အရေပြားပိုင်ရှင်နဲ့ ပေါင်းစပ်အရေပြား ပိုင်ရှင်တွေမှာ ပိုပြီး ပေါက်တတ်ကြပါတယ်။ နဖူးပြင်ပေါ်က ဆံပင်နဲ့ ဆက်စပ်နေတဲ့ နေရာတွေမှာ ဝက်ခြံတွေကို တွေ့ရတတ်ပြီး အရေပြားနီရဲကာ ရောင်ရမ်းနေတတ်ပါတယ်။ ဝက်ခြံပေါက်တဲ့ အချိန် ပုံမှန်အိမ်မှာ ပြုလုပ်နေကျ ကုထုံးတွေနဲ့ ကုသနေရင်း ခြောက်ပတ်လောက် ကြာတာတောင် မသက်သာသေးဘူးဆိုရင် အရေပြား အထူးကုနဲ့ တိုင်ပင်သင့်ပြီး လိုအပ်ရင် ဆေးဝါးနဲ့ ကုသမှုတွေ ခံယူသင့် ပါတယ်။

နဖူးမှာ ဝက်ခြံပေါက်တတ်သော တခြားအကြောင်းရင်း

အမျိုးသမီးတွေမှာ ကိုယ်ဝန်ဆောင်ချိန်တွေမှာ ဟော်မုန်းအပြောင်းအလဲ တချို့ကြောင့် နဖူးမှာ ဝက်ခြံပေါက်တတ်ပါတယ်။ ဆီပါဝင်တဲ့ အလှကုန် ပစ္စည်း အသုံးပြုတဲ့သူတွေနဲ့ ဆံပင်လိမ်းဆေး တချို့ကြောင့် ပေါက်တတ် ပါတယ်။ တခြား အကြောင်းအရာတွေလည်း ရှိပါသေးတယ်။

အလွန်အမင်း သန့်စင်ခြင်း

အရေပြားကို ကြေးချွတ်သန့်စင်တာက ကောင်းပါတယ်။ ဒါပေမဲ့ ခဏ၊ ခဏ ပြုလုပ်တာတွေကြောင့်တော့ ဆန့်ကျင်ဘက် အာနိသင် ဖြစ်သွားတတ် ပါတယ်။ အရေပြားကို အလွန်အမင်း သန့်စင်လိုက်တာကြောင့် အဆီဂလင်း တွေထဲကို ဘက်တီးရီးယားတွေ ရောက်ရှိသွားပြီး ကြာရင် ဝက်ခြံဖြစ်စေတတ် တယ်လို့ Los Angeles မှ အရေပြား ပညာရှင်တွေက ဆိုပါတယ်။

ဆံပင်လိမ်းပစ္စည်းများ

ဆံပင်လိမ်းတဲ့ စပရေး၊ ဂျယ်လ်နဲ့ တခြားဆံပင်လိမ်းတဲ့ ပစ္စည်းတွေကြောင့် သင့်နဖူးနေရာနားမှာ ဝက်ခြံတွေ ပေါက်တတ်ပါတယ်။ ဆံပင်လိမ်းတဲ့ ပစ္စည်းမှာ ပါဝင်တဲ့ ကမ်မီကယ်တွေ ဦးရေပြားပေါ် ထိတွေ့ရာကနေ ဝက်ခြံ တွေ ပေါက်လာရတာမျိုး ဖြစ်ပါတယ်။

ဦးထုပ်နှင့် လုပ်ငန်းခွင်သုံး ဦးထုပ်

လုပ်ငန်းခွင်ထဲမှာ ဦးခေါင်းကို ကာကွယ်ဖို့အတွက် အမြဲတမ်းဝတ်ဆင်ရတဲ့ Helmets တွေနဲ့ ဦးထုပ်ကို အမြဲဝတ်ဆင်တတ်သူတွေမှာ နဖူးနဲ့ ဦးထုပ်ကြား ကချွေးနဲ့ ပြင်ပက အညစ်အကြေးတွေကြောင့် ဝက်ခြံတွေ ပေါက်လာတတ် ပါတယ်။

အိပ်စက်မှု အလေ့အထ

အိပ်စက်ချိန်မှာ သင်က ဘေးတစ်ဖက်တည်းကို စောင်းပြီး အိပ်တတ်သူဆိုရင် ခေါင်းအုံးနဲ့ သင့်နဖူးပြင်နဲ့က ထိတွေ့မှုဟာ အချိန်ကြာတတ်ပါတယ်။ သင့်ခေါင်းအုံးဟာ သန့်ရှင်းမှု မရှိရင်ဘဲဖြစ်စေ၊ ရောဂါပိုးဝင်ရင်ပဲ ဖြစ်စေ စောင်းအိပ်တဲ့ နဖူးပြင်နေရာနားမှာ ဝက်ခြံပေါက်တတ်ကြပါတယ်။ ဒါကြောင့် တစ်ဖက်တည်းစောင်းပြီး အိပ်တတ်သူတွေဟာ ပက်လက်ပြန်ပြောင်း အိပ်ကြည့်ပါ။ သန့်စင်တဲ့ ခေါင်းအုံးကို အသုံးပြုပါ။

မိတ်ကပ်လိမ်းထားပြီး အိပ်စက်ခြင်း

မိတ်ကပ်လိမ်းထားချိန်ဟာ ဘယ်အချိန်ပဲ ဖြစ်ပါစေ၊ ညအိပ်ရာဝင်တော့မယ် ဆိုရင်တော့ သင်လိမ်းထားတဲ့ မိတ်ကပ်တွေကို ဖျက်ပြီးမှ အိပ်ရာဝင်သင့် ပါတယ်။ အိပ်ရာဝင်ခါနီး မိတ်ကပ်မဖျက်တာကြောင့် မျက်နှာမှာ ပြင်ပက ဖုန်မှုန့်တွေ၊ မိတ်ကပ်မှာပါဝင်တဲ့ ဆီတွေနဲ့ ချွေးတွေပေါင်းကာ ဘက်တီး ရီးယားတွေ ပေါက်ဖွားလာပြီး နဖူးပြင်မှာ ဝက်ခြံတွေ ပေါက်တတ်ပါတယ်။ ဖော်ပြပါ အလေ့အထတွေကို ဆင်ခြင်လိုက်မယ်ဆိုရင်တော့ နဖူးမှာပေါက်တဲ့ ဝက်ခြံကို သက်သာသွားနိုင်ပါတယ်။
                                                      သဲသဲ

ခါးနာသောသူများအတွက် အလွယ်ဆုံးကုသနည်း

အခုနည်းကတော့ သဘောင်္ရွက်ပါဘဲဗျာ လွယ်ကူပါတယ်၊ သင်္ဘောရွက်စိမ်းတစ်ရွက်ကို ညအိပ်ခါနီး ကျောဘက်အင်္ကျီ အတွင်းက အသားပေါ်မှာ ကပ်ထားပြီး အိပ်ရမယ်။ ပက်လက်လှဲပြီး ညအိပ်ပါ။ ခါးထဲက အပူအခိုးတွေ ကို သင်္ဘောရွက်က စုပ်ယူပါတယ်။ ကပ်ထားခိုက်မှာ စပ်ရှိန်းရှိန်းခံစားရပါမယ်။ အဲဒီလို နေ့စဉ် ရက်ဆက် မပျက်မကွက် လုပ်ရပါတယ်။

နောက်ပြီး ခါးလေ့ကျင့်ခန်းကိုလည်း လုပ်ရပါမယ်။ လုပ.်ပုံကတော့ မတ်တပ
်ရပ်နေပြီး ခါးကို ရှေ့အနည်း ငယ် ကိုင်းပြီး ခန္ဓာကိုယ်ကို ခါးမှစ၍ ဆန်ကောဝိုင်းသလို လှည့်ပတ်ပေးရပါမယ်။ ဘယ်ပြန်ညာပြန် (၁၀)

ကြိမ်လောက် အလိုက်သင့် သက်သက်သာသာ လှည့်ဝိုက်ပေးရပါမယ်။ အဲဒီလိုလုပ်တော့ ခါးရိုး၊ ခါးဆစ်က အကြောအရွက်တွေ ပွင့်လာပြီး အညောင်းအကိုက် သက်သာလာပါလိမ့်မယ်။ တစ်နေ့မှာ နှစ်ကြိမ်လောက် လေ့ကျင့်လုပ်ကြည့်ပါ။
                                                                                 

ဂေါ်ဖီထုတ် အကြောင်းသိကောင်းစရာ

ဂေါ်ဖီထုပ်ကို တစ်နှစ်ပတ်လုံး ဝယ်ယူရရှိနိုင်ပြီး စွမ်းအင်မြင့်မားတဲ့ ကာဗိုဟိုက်ဒရိတ်၊ ပရိုတင်းဓာတ်၊ သကြား၊ အမျှင်ဓာတ်၊ အဆီ၊ သိုင်ယာမင်း၊ နိုင်ယာစင်၊ ရိုင်ဘိုဖလေဗင်၊ ပန်တိုသီးနစ်အက်စစ်၊ ဗီတာမင် စီ၊ ကေ၊ B6 ၊ ဖောလိတ်၊ ကယ်လ်စီယမ်၊ သံဓာတ်၊ မဂ္ဂနီဆီယမ်၊ ဖော့စ်ဖရပ်စ်နဲ့ ဇင့် (သွပ်) ဓာတ်တို့ ပါဝင်ပါတယ်။ ဂေါ်ဖီထုပ်ကို အစိမ်းလိုက် စားလေ့ရှိသလို၊ အချဉ်တည်ပြီး၊ ဟင်းချက်ပြီး၊ စွပ်ပြုတ်လုပ်ပြီး၊ ကြော်ပြီးစားလေ့ ရှိကြပါတယ်။ အရသာရှိတဲ့ ဂေါ်ဖီထုပ်မှာ အောက်ပါကျန်းမာရေး အကျိုးကျေးဇူးတွေ ပါဝင်ပါတယ်။
(၁) မကောင်းတဲ့ ကိုလက်စထရောကို သိသိသာသာ လျော့ကျစေပါတယ်

ဂေါ်ဖီထုပ်ဟာ သွေးတွင်း မကောင်းတဲ့ ကိုလက်စထရော လျော့ကျစေရေးမှာ အလွန်ထိရောက်မှု ရှိပါတယ်။ ဂေါ်ဖီထုပ်ဟာ အစာခြေစနစ်ရှိ သည်းခြေအက်စစ်တွေနဲ့ ပေါင်းပြီး ခန္ဓာကိုယ်အပြင်သို့ ကိုလက်စထရောကို ထွက်သွားစေလို့ပါ။ ဂေါ်ဖီထုပ်ကို အစိမ်းလိုက် စားရင် ဒါမှမဟုတ် သုပ်စားရင် ပိုမို အာနိသင်ရှိပါတယ်။ အစိမ်းလိုက် မစားချင်ရင် အနည်းငယ်ပြုတ်ပြီး ဆားနဲ့ ငရုတ်ကောင်းမှုန့်ဖြူးပြီး စားပေးပါ။ ဂေါ်ဖီထုပ်မှာ အမျှင်ဓာတ်များစွာ ပါဝင်တာကြောင့် အစာခြေစနစ်ကို ကျန်းမာစေပါတယ်။

(၂) ရောင်ရမ်းမှုကို လျော့ကျစေပါတယ်

ဂေါ်ဖီထုပ်မှာပါတဲ့ ရောင်ရမ်းမှုကျစေတဲ့ အာဟာရဓာတ်တွေက ခန္ဓာကိုယ်ရဲ့ ကျန်းမာရေး အခြေအနေကို ကောင်းမွန်အောင် လှုံ့ဆော် ကူညီနိုင်ပါတယ်။ ကိုယ်တွင်း ရောင်ရမ်းမှုဖြစ်ရင် ရောဂါဝေဒနာမျိုးစုံ ဖြစ်နိုင်ခြေ ရှိပါတယ်။ ရောင်ရမ်းမှုကျစေတဲ့ အာဟာရဓာတ်တွေပါတဲ့ ဂေါ်ဖီထုပ်ကို သုံးရက်ကြာတိုင်း အနည်းဆုံး တစ်ကြိမ်စားပေးရင် ရောင်ရမ်းမှုကို လျော့ကျစေပါတယ်။ ဒါပေမဲ့ ဂေါ်ဖီထုပ်ကို အကြာကြီး ချက်ပြုတ်တာမျိုး မလုပ်ပါနဲ့။ ဂေါ်ဖီထုပ်မှာပါတဲ့ ပရိုတင်းနဲ့ အာဟာရဓာတ်တွေ အားလုံး ဆုံးရှုံးသွားနိုင်လို့ပါ။ ကိုယ်တွင်းမှာ ရောင်ရမ်းမှု ကျစေတဲ့ အာဟာရဓာတ်တွေ မရှိရင် နာတာရှည် ရောင်ရမ်းမှုဖြစ်ပြီး ကင်ဆာရောဂါ အမျိုးမျိုးကို ဖြစ်စေနိုင်ပါတယ်။

(၃) ကင်ဆာရောဂါ မဖြစ်အောင် ကာကွယ်နိုင်ပါတယ်

ဂေါ်ဖီထုပ်မှာ များများပါဝင်တဲ့ အင်တီအောက်ဆီးဒင့် ဓာတ်တွေက ကင်ဆာရောဂါ အမျိုးမျိုးရဲ့ အန္တရာယ်မှ ကာကွယ်ပေးနိုင်ကြောင်း လေ့လာမှု အမျိုးမျိုးက သက်သေပြခဲ့ပါတယ်။ ဂေါ်ဖီထုပ်မှာ ကင်ဆာကို တွန်းလှန်ပေးနိုင်တဲ့ ဂလူကိုစီးနိုးလိတ်ဆိုတဲ့ ဓာတ်ပါဝင်တာကြောင့် အိုက်ဆိုသိုင်ယိုဆိုင်ယာနိတ်ဆိုတဲ့ ဓာတ်ပေါင်းအဖြစ် ကူးပြောင်းကာ ကင်ဆာဆဲလ်တွေကို တွန်းလှန်ပေးတာနဲ့ ဖျက်ဆီးတာတွေကို လုပ်ဆောင်ပေးပါတယ်။ ဒါကြောင့် ဂေါ်ဖီထုပ်ကို အရင်ကတည်းက ကင်ဆာတွန်းလှန်ပေးတဲ့ အစာအဖြစ် သတ်မှတ်ခဲ့တာ ဖြစ်ပါတယ်။

(၄) အစာခြေစနစ်ကို ကျန်းမာစေပြီး အစာအိမ်အနာကို ကျက်စေပါတယ်

ဂေါ်ဖီထုပ်မှာပါတဲ့ အမျှင်ဓာတ်တွေဟာ အစာခြေစနစ် ကျန်းမာအောင် ထိန်းသိမ်းပေးနိုင်ရုံ သာမက အစာအိမ် အနာတွေကို ကျက်စေတယ်လို့ လေ့လာမှုတွေက ဆိုပါတယ်။ ဂေါ်ဖီထုပ်မှာ ပရိုတင်းဓာတ်၊ သတ္တုဓာတ်နဲ့ ဗီတာမင်ဓာတ်တို့ များစွာ ပါဝင်တာကြောင့် အစာအိမ်နဲ့ အူလမ်းကြောင်း ဝေဒနာတွေကို သက်သာစေပါတယ်။ ဂေါ်ဖီထုပ်မှာပါတဲ့ အမိုင်နိုအက်စစ်နဲ့ ဂလူတာမင်း တို့ကလည်း အူတွေကို ကျန်းမာစေပြီး ကိုယ်တွင်းက ဘက်တီးရီးယားတွေ ထုတ်လုပ်မှုကို မျှတအောင် ကူညီနိုင်ပါတယ်။ ဒါကြောင့် အစာကြေညက်ကာ ရောဂါဝေဒနာတွေရဲ့ ဖြစ်နိုင်ခြေကို လျော့ကျစေနိုင်ပါတယ်။

(၅) စွမ်းအင်ကို တိုးစေပါတယ်

ဂေါ်ဖီထုပ်မှာ စွမ်းအင်အဆင့် မြင့်မားစွာ ပါဝင်တာကြောင့် တက်ကြွစေပြီး လန်းဆန်း နေစေပါတယ်။ ဂေါ်ဖီထုပ်မှာပါတဲ့ ဗီတာမင် ဘီ ဟာ စွမ်းအင်မြင့်မားစွာ ထုတ်ပေးနိုင်ပါတယ်။ ဂေါ်ဖီထုပ်က များများစားရင် လေထစေနိုင်တဲ့အတွက် အသင့်အတင့်ပဲ စားသင့်ပါတယ်။
 (၆) အရေပြား အိုမင်းမှု မဖြစ်အောင် ကာကွယ်ပေးပါတယ်

ဂေါ်ဖီထုပ်မှာ ဘီတာကယ်ရိုတင်းလို အိုမင်းမှု တားဆီးပေးတဲ့ ဒြပ်ပေါင်းတွေများစွာ ပါဝင်သလို အင်တီအောက်ဆီးဒင့်ဖြစ်တဲ့ ဗီတာမင်စီလည်း များစွာပါဝင်ပါတယ်။ ဒါကြောင့် အရေပြားဆဲလ်တွေ ထိခိုက်မှု မဖြစ်အောင် ပြန်လည် ပြုပြင်ပေးနိုင်ပြီး အရေပြား တောက်ပကြည်လင်စေကာ အရေပြား အိုမင်းမှုမဖြစ်စေဖို့ ကာကွယ်ပေးပါတယ်။ ဒါကြောင့် နုပျိုလှပစေဖို့ ဂေါ်ဖီထုပ်ကို မှန်မှန်စားပေးသင့်ပါတယ်။

                                                                               ကြယ်စင်

Sex ၏ အံ့အားသင့်ဖွယ်ရာ အစွမ်းများ

အိမ်ထောင်သည်တို့ တစ်လင်တစ်မယားစနစ် ကျင့်သုံးပြီး လင်မယား အတူနေတာကြောင့် အောက်ပါ ကျန်းမာရေး အကျိုးကျေးဇူးတွေကို ရရှိစေပါတယ်။

- စိတ်ဖိစီးမှု လျော့ပါးစေပါတယ်။

- သွေးတိုးကို ကျစေပါတယ်။

- ကိုယ်ခံစွမ်းအားစနစ်ကို ကောင်းမွန်စေပါတယ်။

- ကိုယ်လက် လှုပ်ရှားမှု လုပ်ဖြစ်စေပါတယ်။

- ကယ်လိုရီ လောင်ကျွမ်းစေပါတယ်။

- နှလုံးသွေးကြော ကျန်းမာရေး ကောင်းမွန်စေပါတယ်။

- ကိုယ့်ကိုယ်ကိုယ် လေးစားစိတ် တိုးစေပါတယ်။

- စိတ်ဓာတ် သန်မာစေပါတယ်။

- ကိုက်ခဲမှု သက်သာစေပါတယ်။

- အမျိုးသားတွေမှာ ဆီးကျိတ်ကင်ဆာ ဖြစ်နိုင်ခြေ လျော့ကျစေပါတယ်။

- တင်ပါးဆုံတစ်ဝိုက် ကြွက်သားတွေကို သန်စွမ်းစေပါတယ်။

- နှစ်နှစ်ခြိုက်ခြိုက် အိပ်မောကျစေပါတယ်။

ကေအမ်
ကြပ်ကြပ်ထုပ်ထုပ် ကြိုက်သူများ သတိပြု

ဖက်ရှင်အလှအပများ ပေါလွန်းလှသည့် အချိန်တွင် အမျိုးသား၊ အမျိုး သမီးများအတွက် ရွေးချယ်စရာများကလည်း များပြားလှသည်။ လူအများ ရွေး ချယ်သည့် အဝတ်အစားသည် ဖက်ရှင်ကျလှပရုံသာမက ကျန်းမာရေး အတွက် သက်ရောက်မှုလည်းရှိသည်။ နေ့စဉ် ဝတ်ဆင်သည့် အဝတ် အစားများ ပုံမှန်လဲလှယ်မှု မရှိသည့်အတွက် လုံလောက်သည့် သန့်ရှင်းမှု မရှိခြင်း၊ ကြပ်လွန်းသည့် အဝတ်အစားများကြောင့် သတိမပြုမိလိုက် သော်လည်း နေ
ာက်ဆက်တွဲ ကျန်းမာရေးဆိုင်ရာ ဆိုးကျိုးများ ခံစားကြရနိုင်ကြောင်း အရေပြားအထူးကုဆရာဝန် ဒေါက်တာ မြတ်စန္ဒာကျော်က ပြောသည်။ ခန္ဓာကိုယ်အလှကို ပိုမိုပေါ်လွင်စေသည့် ဘောင်းဘီကြပ်ကြပ်များ လူငယ်ထုအတွင်း ပိုမိုအကြိုက်များလာကြသည်။

ထိုဘောင်းဘီအကြပ်များသည် အမျိုးသမီးများတွင် အဖြစ်များသည့် ဆီးလမ်းကြောင်း ပိုးဝင်ခြင်း ရောဂါဖြစ်စေသည့် အကြောင်းရင်းများစွာထဲမှ တစ်ခုလည်း ဖြစ်နိုင်ကြောင်း သိရသည်။ ဘောင်းဘီကြပ်ကြပ်သည် စမတ်ကျ လှပသော်လည်း သက်သောင့်သက်သာတော့ သိပ်မရှိလှပေ။ လှုပ်ရှား သွားလာနေသူများအတွက် ကြပ်နေသည့် ဘောင်းဘီသည် အရေပြား ပွန်းခြင်းများ၊ နီရဲလာခြင်းများနှင့် သွေးခြေဥခြင်းများအထိ ဖြစ်နိုင်ပြီး အကြောင်းအမျိုးမျိုးကြောင့် ပွန်းနေသည့် အရေပြားမှတစ်ဆင့် ဆီးလမ်းကြောင်းထဲ ပိုးဝင်နိုင်ကြောင်း သိရသည်။

ဆီးလမ်းကြောင်း ပိုးဝင်သည့်အခါ မကြာခဏ ဆီးသွားလိုခြင်း၊ ဆီးသွားလျှင် နာကျင်ခြင်း၊ ပူစပ်ပူလောင်ဖြစ်ခြင်း၊ ညပိုင်းတွင် ဆီမကြာခဏသွားခြင်း၊ ဆီးအရောင်အနံ့ပြောင်းလာခြင်းနှင့် ဆီးသွားလျှင် သွေးပါခြင်းတို့သည် ရောဂါလက္ခဏာများဖြစ်ပြီး ဆီးနှင့် ကျောက်ကပ်ရောဂါ အများစုမှာ ဆီးလမ်းကြောင်း ပိုးဝင်ခြင်းကြောင့် နောက်ဆက်တွဲ ဖြစ်ပွားခြင်းဖြစ်ကာ စောစီးစွာ မကုသပါက ကျောက်ကပ်ပျက်စီးသည်အထိ ဖြစ်ပွားနိုင်ကြောင်း သိရသည်။ ဘောင်းဘီရှည် အကြပ်သည် အစာအိမ်ကို သွားဖိမိသည့်အတွက် အစာအိမ်ထဲမှ အစာချဉ်ရည်များထွက်ခြင်း၊ ရင်ခေါင်းပူပြီးနာခြင်း၊ အသက်ရှူရခက်ခဲခြင်း၊ မကြာခဏ ဝမ်းသွားခြင်း စသည့် ဆိုးရွားသည့် ပြဿနာများပါ ဖြစ်ပွားနိုင်ကြောင်း သိရသည်။ "အောက်ခံ အဝတ်ကြပ်ကျပ်တွေကတော့ ပထမဆုံး ပေါင်ပွန်းတာတွေ ဖြစ်တယ်။ ပြီးရင် မွေးညင်းပေါက်တွေ ရောင်လာတာ၊ မှိုပိုးဝင်တာတွေ ဖြစ်လာတယ်။ အရေပြားမှာ ပွေးပေါက်တာမျိုးတွေဖြစ်ပြီး အဲဒီကနေ စနစ်တကျ ကုသမှုမရှိရင် ထပ်ဆိုးဝါးတဲ့ အခြေအနေတွေ ဖြစ်လာနိုင်တယ်” ဟု ဒေါက်တာမြတ်စန္ဒာကျော်က ပြောသည်။ အရေပြားတွင် ဖြစ်သည့် ယားနာများအတွက် လိမ်းဆေးများအသုံးပြုလျှင် လွယ်လွယ်ကူကူ ပျောက်ကင်းနိုင်သည်ဆိုသော်လည်း လိမ်းဆေးအချို့တွင် အရေပြား ကိုယ်ခံစွမ်းအားကျစေသည့် စတီးရွိုက်ပါဝင်သော လိမ်းဆေးများလည်း ရှိသည်။

ထိုကဲ့သို့သော လိမ်းဆေးများအား ရိုးရိုး ယားနာပျောက်ရန်အတွက် လိမ်းသည့်အခါ အရေပြားပွန်းပဲ့ခြင်းကြောင့် ပုံမှန်မဟုတ်သော အရေပြားသည် အရေပြားကိုယ်ခံစွမ်းအား ကျဆင်းသွားစေပြီး ပိုးဝင်ခြင်းကို ပိုမိုဆိုးရွားသွားစေသည်လည်းရှိကြောင်း သိရသည်။ ဘောင်းဘီကြပ်များက ပေါင်နေရာအား စည်းထားသလို ဖြစ်သည့်အတွက် ကျင်ခြင်း၊ နာခြင်း၊ ထုံခြင်းတို့အပြင် အာရုံကြောများ ဖိထားသလိုဖြစ်ခြင်းကြောင့် ခြေထောက် အာရုံကြောများ နာကျင်စေခြင်း၊ တင်ပါးစုံမှ အာရုံကြောများ ထိခိုက်နိုင် ခြင်းတို့ပါ ဖြစ်ပေါ်စေနိုင်ကြောင်း သိရသည်။ ထို့အပြင် ကြပ်လွန်းသည့် ဘောင်းဘီများကြောင့် ခြေထောက်ရှိ အကြောများ ပြတ်တောက်၍ အရေပြားတွင် အကြောများ ပြတ်တောက်ခြင်းကြောင့် ဖြစ်သည့် ဆိုးကျိုးများလည်း ဖြစ်ပေါ်စေနိုင်သည်။ ဆီးချိုရောဂါရှိသူများ၊ ကိုယ်အလေးချိန်များသူများ၊ တုံ့ပြန်လွယ်သည့် အသားအရေရှိသူများ၊ မူလက အရေပြားရောဂါ ခံစားနေရသူများ ဘောင်းဘီကြပ်ကြပ်ဝတ်ခြင်းအား ပိုမိုသတိပြုသင့်ကြောင်း သိရသည်။ များသောအားဖြင့် ကိုယ်အလေးချိန် တက်လာသော်လည်း အောက်ခံအဝတ်အစားများအား မူလသုံးသည့် ဆိုဒ်များသာ သုံးခြင်းကလည်း အရေပြားပွန်းပဲ့ပြီး နောက်ဆက်တွဲ ရောဂါများ ဖြစ်ပွားနိုင်ခြင်းဖြစ်ကြောင်း သိရသည်။ အမျိုးသား၊ အမျိုးသမီးများအတွက် အောက်ခံအဝတ်အစားများသည် ကျန်းမာရေးအတွက် အရေးကြီးသည်။ အောက်ခံအဝတ်အစားကို အကြမ်းဖျင်းအားဖြင့် တစ်ရက်ထက်ပို၍ ဝတ်ဆင်ရန် မသင့်တော်ပေ။

ခန္ဓာကိုယ်မှ ထွက်ရှိလာသည့် ချွေးများကြောင့်နှင့် စိုစွတ်နေသည့် အောက်ခံအဝတ်အစားများအတွင်း ပိုးပေါက်ဖွားပြီး မှိုပိုးများ ဝင်နိုင်ခြင်း၊ ပွေးကဲ့သို့သော အရေပြားရောဂါများ ဖြစ်ပွားလာနိုင်ခြင်း စသည်တို့ကို ခံစားကြရနိုင်ကြောင်း သိရသည်။ ထို့အပြင် အဟောင်းများကို မကြာခဏ ပြန်ဝတ်ခြင်း၊ အလွန်ဟောင်းသွားသည်အထိ ထိုအောက်ခံများအား အသုံးပြုနေခြင်းတို့သည် အောက်ခံအဝတ်များ ဟောင်းသည့်အခါတွင် ထွက်လာသော အမွေးများက အရေပြားတွင် တုံ့ပြန်လွယ်ခြင်းများကြောင့် အရေပြားနီရဲခြင်း၊ ရောင်ခြင်းများလည်း ခံစားရနိုင်ကြောင်း ဒေါက်တာ မြတ်စန္ဒာကျော်က ပြောသည်။ အောက်ခံအဝတ်အစားများအား ခြောက်လထက်ပိုပြီး အသုံးမပြုသင့်ဘဲ အခြားသူများနှင့် မျှဝေသုံးစွဲခြင်း၊ တစ်ထည်တည်းကို ထပ်ခါဝတ်ခြင်း၊ ပူလောင်နေသည့် အသားဖြင့် ချုပ်ထားသော ပစ္စည်းများသုံးခြင်းကို ဆင်ခြင်ခြင်းဖြင့် ရောဂါများ ကူးစက်ဖြစ်ပွားခြင်းကိုလည်း သတိပြုရမည်ဖြစ်ကြောင်း သိရသည်။ ထို့အပြင် အောက်ခံအဝတ်အစား ကြပ်ကြပ်များအား ၂၄ နာရီလုံး ဝတ်ဆင်ထား ခြင်းသည် အမျိုးသားများအတွက် သားသမီးရနိုင်သည့် စွမ်းရည်ကိုပါ ကျဆင်း စေသည်အထိ ဖြစ်နိုင်ကြောင်းနှင့် ကြပ်လွန်းသည့် အောက်ခံ အဝတ်အစားများကို အမျိုးသား၊ အမျိုးသမီးများပါ ညအိပ်ဝတ်ခြင်းကိုမူ လုံးဝရှောင်ကြဉ်သင့်ကြောင်း နိုင်ငံတကာမှ ပညာရှင်များကလည်း အကြံပြု ပြောကြားထားသည်။

“ညဘက်အိပ်တဲ့အချိန်မှာ ခန္ဓာကိုယ်ရဲ့ ကြွက်သားတွေလည်း နားနေ ကြတယ်။ အဲဒီချိန်မှာ အညစ်အကြေးတွေ ထုတ်တာ၊ ကိုယ်ခံအားစနစ်တွေ ပြုပြင်ပေးတာတွေ လုပ်နေတဲ့အချိန်မှာ ကြပ်တဲ့ အောက်ခံတွေက အနှောင့် အယှက်တွေပေးတယ်။ အမျိုးသားတွေမှာ အဲလို အောက်ခံကြပ်ကြပ်တွေရဲ့ ဆိုးကျိုးကို ပိုခံစားကြရတယ်” ဟု ဒေါက်တာမြတ်စန္ဒာကျော်က ပြောသည်။ နေ့စဉ် ဝတ်ဆင်သည့် အဝတ်အစားများမှတစ်ဆင့် ရောဂါများ ရရှိသည်အထိ မဖြစ်စေရန် ရွေးချယ်အသုံးပြုကြရန် လိုအပ်ပြီး မိမိနှင့် သင့်လျော်သည့် သိပ်မကြပ်လွန်း၊ မကျယ်လွန်းသည့် အဝတ်အစားများ အသုံးပြုခြင်း၊ အောက်ခံ အဝတ်အစားများအား တစ်ထည်တည်းကို ထပ်ခါဝတ်ဆင်ခြင်းနှင့် အချိန်ကြာ ဝတ်ဆင်ခြင်းအား သတိပြုခြင်း၊ ချွေးစုပ်နိုင်သည့် အသားဖြင့် ပြုလုပ်ထားသော အောက်ခံများအား အသုံးပြုသင့်ကြောင်း သိရသည်။ နိုင်ငံတကာရှိ ကျန်းမာရေးဆိုင်ရာ ပညာရှင်များမှ လေ့လာတွေ့ရှိထားသည့် ကျန်းမာရေးအတွက် ဆိုးရွားစေသည့် ဆင်ခြင်ရမည့် အချက်များထဲတွင် ဒေါက်ဖိနပ်အမြင့်များစီးခြင်း၊ ဆေးမင်ကြောင်ထိုးခြင်း၊ ခန္ဓာကိုယ် အပေါက် များဖောက်ခြင်း၊ နေပူခံခြင်း စသည့် အကြောင်းအရာများအပြင် အလွန် ကြပ်သည့် ဘောင်းဘီများကလည်း ကျန်းမာရေးအတွက် ဆိုးကျိုးများ ဖြစ်ပေါ်စေနိုင်ကြောင်း ဖော်ပြထားကြသည်။

ဝတ်ရည်အောင်

ရှောင်သင့်သောယောက်ျားများ

for everyone
သမီးရည်းစားဖြစ်နေတဲ့အချိန်ဟာ တစ်ယောက်အကြောင်း တစ်ယောက်နားလည်ဖို့
သင်ယူနေတဲ့အချိန်ပါ။
ကိုယ်ရဲ့အကျင့်စရိုက်ကိုနားလည်အောင်သင်ယူနေသလိုတစ်ခြားလူတစ်ယောက်ရဲ့

အကျင့်စရိုက်တွေကိုလည်းနားလည်အောင်သင်ယူနေတဲ့အချိန်ပါ။ အဲဒီလိုတစ်ယောက်အကြောင်းတစ်ယောက်နားလည်အောင်သင်ယူနေ

တဲ့အချိန်မှာ မလိုအပ်တဲ့အမှားတွေကို ရှောင်တတ်ဖို့လိုပါတယ်။
ဘ၀မှာပျော်ရွှင်မူမပေးနိုင်ဘူးလို့ထင်တဲ့ယောက်ျားလေးတွေကိုရှောင်တတ်ရပါမယ်။

(၁) playboys/lady killers
ဒီလိုယောက်ျားလေးတွေဟာ မိန်းကလေးတွေကသဘောကျလောက်အောင် ပြုမူပြောဆိုတတ်တဲ့လူတွေပါ။
အဲဒါတွေဟာ စိတ်ထဲကအမှန်စစ်စစ်တွေမဟုတ်ပါဘူး။
သူတို့ဟာကိုယ့်အပေါ်မှာကောင်းသလို တစ်ခြားကောင်မ
လေးတွေအပေါ်မှာလည်းကောင်းတတ်ကြပါတယ်။
ကိုယ့်ကအဲလိုယောက်ျားလေးကိုမှ အမှန်တကယ်ချစ်မိပြီ ဆိုရင် ကိုယ်ပဲခံစားရမှာပါ။

(၂) bad boys/rebels
လင်ဆိုးမယား တဖားဖားဆိုသလိုပါပဲ...ဒီလိုယောက်ျားလေးကိုမှ ချစ်မိခဲ့ရင်
ကိုယ့်ရဲ့အနာဂတ်ဟာ ပျော်ရွှင်ဖို့
လှမ်းဝေးလှပါတယ်။
ဦးနှောက်ရှိတဲ့ မိန်းကလေးတိုင်းဒီလိုယောက်ျားလေးမျိုးကို ရှောင်သင့်ပါတယ်။

(၃) slackers
ကပ်ပါးကောင်တွေလိုပါပဲ။
အပြင်ထွက်တိုင်း ပိုက်ဆံအိတ်မေ့ခဲ့တယ်၊
ငွေထုတ်ဖို့မေ့ခဲ့တယ်လို့အကြောင်းပြပြီး
မိန်းကလေးတွေကို ပိုက်ဆံရှင်းခိုင်းတတ်တဲ့လူမျိုးဖြစ်ပါတယ်။
ဒီလိုမျိုးလူကိုလှူမဲ့အစား လမ်းဘေးကအလှူခံတွေကို လှူခဲ့သင့်ပါတယ်။

(၄) mama's boys
အီတလီယောက်ျားလေးတွေဟာ မင်္ဂလာဆောင်ပြီးရင်လည်း အမေနဲ့ပဲနေချင်ကြပါတယ်။
အမေဟာသူတို့ကို ကောင်းကောင်းပြုစုနိုင်လို့ပါတဲ့ ။
မင်္ဂလာဆောင်ပြီးရင်လည်း ဘာမဆိုအမေရဲ့အဆုံးအဖြတ်၊ အမေကျွေးတာကိုပဲ
စားမယ်၊ အမေနဲ့ခွဲမအိပ်နိုင်သေးဘူးလို့ပြောတဲ့
နို့နံ့မစင်သေးတဲ့ယောက်ျားတစ်ယောက်ကို ယူရဲပါသလား။

(၅) moody type
ပျော်ပျော်ရွှင်ရွှင်နဲ့ ချစ်စရာစကားတွေပြောနေတုန်း အခုပဲထပေါက်ကွဲတတ်တဲ့
စိတ်အပြောင်းအလဲမြန်တဲ့ယောက်ျားမျိုးပါ။
တစ်နေရာရာကိုကိစ္စတစ်ခုနဲ့သွားဖို့ သေချာချိန်းထားပြီးခါမှ
ချက်ချင်းဖျက်ပစ်လိုက်တတ်တဲ့လူမျိုးပါ။
စိတ်အပြောင်းအလဲဟာ ရာသီဥတုထက်ပြောင်းလွဲမြန်ပါတယ်။
ဒီလိုလူရဲ့စိတ်ကိုငြိမ်အောင် မစွမ်းဆောင်နိုင်
ဘူးဆိုရင် ကိုယ်ရဲ့ပျော်ရွှင်မူဟာလည်း
နေသာလိုက်၊မိုးရွာလိုက်၊မုန်တိုင်းထန်လိုက်ပါပဲ။

(၆) passive-aggressive type
ဒီလိုယောက်ျားလေးမျိုးကိုကြုံ ဖူးပါသလား။
ဆိုပါစို့...တစ်ခုခုသွားစားရင် ''ခင်ကြိုက်တာစားပါ ..ခင်ကြိုက်တာမှာပါ''
ဆိုပြီး အစားအစာများလာချတဲ့အချိန်
ှမှာ ဘာလို့ဒီဟင်းကိုမှာရတာလဲ ..ဘာလို့ဒီဆိုင်မှာလာစားရတာလဲ
စသဖြင့်ရန်လိုတတ်သောလူစားမျိုးပါ။
သူ့စိတ်ထဲစိတ်ကူးကိုထုတ်ဖော်မပြောပဲ လူတွေကိုခန့်မှန်းခိုင်းတတ်တဲ့လူစားမျိုးပါ။
ကိုယ်သဘောလို့ပြောပြီးနောက်ဆုံးတော့
သူ့သဘောဖြစ်သွားတတ်တဲ့လူစားမျိုးပါ။
ဒီလိုသွယ်ဝိုက်ပြီး လူကိုထိန်းချုပ်တတ်တဲ့ ယောက်ျားမျိုးဟာ ကြောက်
စရာအကောင်းဆုံးပါပဲ။

သင်ဟာ ဘယ်လိုယောက်ျားမျိုးလဲ။
သင်ဟာ ဘယ်လိုယောက်ျားမျိုးကို လက်ထပ်ယူချင်ပါသလဲ။
Tags: သုတ
hay mam ko